Hörmətli həmkarlar və dəyərli iştirakçılar,
Sizi 13–14 noyabr 2026-cı il tarixlərində keçiriləcək 8-ci Azərbaycan İnvaziv Kardiologiya Konqresində salamlamaqdan böyük məmnunluq duyuruq.Bu il konqresimiz xüsusilə zəngin elmi proqramı və Türkiyə, Gürcüstan, Avropa və Asiyanın müxtəlif ölkələrindən dəvət olunmuş möhtəşəm beynəlxalq fakültəsi ilə seçilir. Proqramda LMCA müdaxilələri, TAVI, xroniki total okklüziyalar, TEER, kalsifik koronar darlıqlar, bifurkasiya müdaxilələri və transkateter qapanma prosedurları kimi müasir invaziv kardiologiyanın ən aktual mövzuları yer alır. Canlı prosedurlar, praktiki kurslar, ekspert müzakirələri və klinik hal yarışması vasitəsilə məqsədimiz yalnız ən son elmi bilikləri paylaşmaq deyil, eyni zamanda fərqli ölkələrin təcrübəsini bir araya gətirərək canlı və praktik peşəkar mühit yaratmaqdır.Ümid edirik ki, bu iki gün yeni biliklər, maraqlı müzakirələr və gələcək əməkdaşlıqlar üçün gözəl bir platformaya çevriləcək.
Sizi Bakıda qarşılamağı səbirsizliklə gözləyirik!
Hörmətlə,
T.e.d Yasmin Rüstəmova
