Hörmətli iştirakçılar və dəyərli həmkarlar,

Sizi 13-15 dekabr 2024-cü il tarixlərində baş tutacaq Kardiologiya Festivalına dəvət etməkdən böyük məmnuniyyət duyuruq. Bu festivalda 4 müxtəlif konqres -XIII Milli Kardiologiya Konqresi,VI İnvaziv Kardiologiya Konqresi, I Pulmonar Hipertenziya Konqresi, I Kardio Metabolik Konqresi yer almaqdadır, Bu tədbir tibbi bilik və təcrübələri paylaşmaq üçün bir platforma olmaqla yanaşı, ürək-damar sağlamlığının ən yeni və innovativ metodları ilə bağlı elmi mübadilələr üçün bənzərsiz bir imkan yaradır.

Festivalı unikal edən, onun əsas mövzusunun yalnız ürək-damar xəstəliklərini əhatə etməyib həm də buna səbəb olan alt xəstəliklərə də aid olmaqla kardioloqlarla yanaşı digər ixtisas həkimlərinin də maraqlarının birləşdirməsi həmçinin, yerli mütəxəsislərlə yanaşı tibb dünyasının ən parlaq zehinlərini bir araya gətirərək, ortaq hədəflərimiz olan ürək-damar xəstəliklərinin qarşısını almaq və müalicə etmək sahəsində əhəmiyyətli yenilikləri və təcrübələri bölüşməkdir.

Festival ərzində yerli və beynəlxalq səviyyədə tanınmış mütəxəssislərdən dinləyəcəyiniz məruzələr, müzakirələr və praktiki seminarların öz sahənizdə bilik və bacarıqlarınızı bir addım daha irəli aparacağından əminik. Sizi bu elmi bayramın bir parçası olmağa dəvət edir, yeni biliklərlə dolu bir təcrübə keçirməyinizi arzulayırıq.

Festivalın hazırlanması və təşkili üçün əməyi keçən bütün komandaya və dəyərli iştirakçılara dərin təşəkkürümü bildirirəm. Ümid edirəm ki, bu tədbir tibb sahəsində yeni perspektivlər açacaq və hər birimiz üçün uğurlu olacaq.

Hörmətlə,

T.ü.F.D, FESC, FSCAI

Ülvi Mirzoyev

Sədr